തിരിച്ചു വരവ്

തിരിച്ചു വരവ്... 

ഓരോ  തിരിച്ചു  വരവും  വലിയ  ഒരാശ്വാസമാണ്.. 
മരങ്ങളും,  മൈൽകുറ്റികളും,  തോടും,  കാടും,  മേടും ഒക്കെ  പിന്നിട്ട്  ചിരപരിചിതമായ വഴികളിലേക്ക്  കയറുമ്പോൾ കിട്ടുന്ന  ഒരു മാനസിക  സുഖം ..  ഹാ... പറഞ്ഞറിയിക്കുവാനാകില്ല വാക്കുകളാൽ അത്,  അനുഭവിക്കുക തന്നെ വേണം... 

തിരിച്ചു  വരുമെന്ന്  ഒരുറപ്പുമില്ലാത്ത ഓരോ  യാത്ര  പുറപ്പെടുമ്പോഴും,  തിരികെ  വരാം  എന്ന്  വെറുതെ ഒരു  യാത്ര  പറഞ്ഞിറങ്ങുമ്പോഴും, തിരികെ  ആ  കൂരക്ക്  കീഴെ  വരാൻ  കഴിയണേ  എന്നും 
യാത്ര  ക്ഷീണമോ  ജോലിയുടെ  ക്ഷീണമോ  ഒക്കെ  മാറി സമാധാനത്തോടെ തന്റെ പ്രിയമുവളുടെ കൂടെ ചേർന്ന്  പുതപ്പിനാൽ മൂടി കിടന്നുറങ്ങാൻ  ആരാണ്  ആഗ്രഹിക്കാത്തതു??? 

അപ്പൊ  യാത്ര  പറഞ്ഞിറങ്ങി,   കാത്തിരിക്കുന്നവരെ പറ്റിച്ചു  ഒരിക്കലും  തിരിച്ചു  വരവില്ലാത്ത  ഒരു  യാത്ര  പുറപ്പെടുന്നോരോ? അവരുടെ  ആഗ്രഹം എന്താ  സാധിക്കാതെ പോയത്  അതോ  അവർ  ആഗ്രഹിച്ചില്ലേ  ഒരു  മടങ്ങി  വരവ്... 

മനുഷ്യ  മനസ്സ്  എന്നും  ഒരു  പിടി തരാത്ത ഒന്നാണ്..  ഒരുവന്റെ /ഒരുവളുടെ  മനസ്സ്  അവർക്ക്  മാത്രം  അവകാശപ്പെട്ടതാണ്,  ചിന്തകളും,  ആഗ്രഹങ്ങളും,  ഉത്തരമില്ലാ ചോദ്യങ്ങളുമൊക്കെ  നിറഞ്ഞ  ഒന്ന്..  എല്ലാ  ചോദ്യങ്ങൾക്കും  ഉത്തരം  കാണണം  എന്നില്ല,  എന്നാലും  ചോദ്യങ്ങൾ  ചോദിച്ചു  കൊണ്ടിരിക്കുക, എന്നേലും  ഒരു  ഉത്തരം  ഉണ്ടാകും  എന്നാ  പ്രതീക്ഷയിൽ.. അത്രേല്ലേ നൈമിഷികമായ,. നിസ്സാരനായ  മനുഷ്യന്  പറ്റൂ. 

 എന്റെ  കാട്  കയറിയ ചിന്തകളും ഉത്തരമില്ലാത്ത  ചോദ്യങ്ങളുമായി ഞാനും   ഒരു  മടക്ക  യാത്രയിലാണ്, തിരികെ  ചെല്ലും എന്ന്  പ്രതീക്ഷയോടിരിക്കുന്ന എന്റെ  പ്രിയതമയുടെയും എന്റെ പ്രിയപ്പെട്ട കുടുംബത്തിന്റെയും   അടുത്തേക്കുള്ള ഒരു യാത്രയിൽ... 

ഞാനും  ഒരു  തിരിച്ചു  വരവിന്റെ  പാതയിലാണ്..... 

സമർപ്പണം : ആഗ്രഹങ്ങളും,  പ്രതീക്ഷകളും ഒപ്പം  പാലിക്കാനാവാത്ത വാക്കുകളും ഒക്കെ  ഉറ്റവർക്ക് നൽകി  ഒരോർമ്മ മാത്രമായി  മാറിയ  കുറച്ചു  നല്ല  ആത്മാക്കൾക്ക്.... 

പോയി വരാം ഉമ്മാ എന്ന്  യാത്ര പറഞ്ഞു ജോലിക്കു പോയി ഒരു ബൈക്ക് അപകടത്തിൽ പൊലിഞ്ഞു പോയ സഹോദരൻ  ആഷിഫിനും ഡ്യൂട്ടിക്കിടയിൽ ആംബുലൻസ്  അപകടത്തിൽ പൊലിഞ്ഞു  പോയ  ഡോണാ എന്നാ  സഹോദരിക്കും, പിന്നെ ആരുടെ ഒക്കെയോ ആരൊക്കയോ ആയിരുന്ന പേരറിയാത്ത  മറ്റൊരുപാട് പേരുടെ ഓർമ്മക്ക്  മുന്നിൽ....🌹🌹🌹

~RSK~

Comments

Post a Comment

Popular posts from this blog

🚌 ചെയിൻ(ഡ്) സർവീസ് 🚌

അയാൾ ആകെ നിരാശനായിരുന്നു... എല്ലാത്തിനോടും വല്ലാത്ത വിരക്തി.. ജീവിതം തന്നെ മടുത്തു തുടങ്ങിയിരിക്കുന്നു.. ഒരു പെരുമഴ പെയ്ത് തോർന്നിരിക്കുന്നു, അയാൾ ആ തിരക്കേറിയ ബസ് സ്റ്റാൻഡിലെ കമ്പി കസേരയിൽ നനഞൊട്ടിയ വസ്ത്രങ്ങളുമായി  ഇരുന്നു.. അയാൾ നിശ്ചലനയിരുന്ന് എന്തോ ചിന്തയിലായിരുന്നു, എങ്കിലും അയാൾക്ക് ചുറ്റും സമയം അതിവേഗം സഞ്ചരിച്ചു,  അനേകം ജീവനുകളും, ജീവിതങ്ങളും കടന്നു പോയി.. ചിലർ അയാളുടെ ഇരുപ്പിനെ പുച്ഛിച്ചു കടന്നു പോയി, മറ്റു ചിലർ സഹതാപ ഭാവത്തിലും... വേറെ ചിലർ ഒരു പടി കൂടി കടന്നു, എന്താ ഇവിടിരിക്കുന്നെ, എങ്ങോട്ടാ പോകേണ്ടത്, വീട്ടിൽ പോകണ്ടേ, എന്താ ഇവിടെ ചെയ്യുന്നേ, ഇങ്ങനെ ഇരുന്ന മതിയോ അങ്ങനെ അങ്ങനെ കുറെ ചോദ്യങ്ങളുമായി വന്നു പോയി. ചോദ്യങ്ങൾ കേട്ടെങ്കിലും ഒന്നും കേൾക്കാത്തതായി ഭാവിച്ചിരുന്ന അയാൾ കേൾക്കെ ചോദ്യം ചോദിച്ചവർ പരസ്പരം വെള്ളം ആണെന് തോനുന്നു എന്നൊക്കെ പറയുന്നുണ്ടായിരുന്നു കൂട്ടത്തിൽ ഒരു കിളവൻ എവിടുന്നോ കഞ്ചാവ് വലിച്ചു കയറ്റിയിട്ടിരിക്കുവാ എന്ന കമന്റുകളും ഒക്കെ പാസാക്കി നീങ്ങി... ഇതൊന്നും ശ്രദ്ധിക്കാതെ ഇരുന്ന അയാൾ മനസിലോർത്തു, എങ്ങോട്ടേലും പോകണം, എല്ലാം മടുത്തു, ജീവിതമേ മടുത്തു എവി...
Read more

ആന കൊടുത്താലും ആശ കൊടുക്കരുത്...

Image
ഒരു കഥ ശൊല്ലട്ടുമാഈ കഥ നടക്കുന്നത് അങ്ങ് ദൂരെ ഒരു നാട്ടിലാണ്. തണുപ്പാണേൽ നല്ല മരം കൊച്ചുന്ന തണുപ്പും ചൂടാണേൽ ചുട്ടുപൊള്ളിക്കുന്ന ചൂടുമൊക്കെ ഉള്ള ഒരു വിദേശ രാജ്യത്ത് നടന്ന ഒരു കഥ.നല്ല മഞ്ഞു പെയ്യുന്ന ഡിസംബർ കാലം. സമയം ഏകദേശം രാത്രി 9 മണിയോടടുക്കുന്നു. ആ സമയം പതിവ് പോലെ പുറത്ത് നല്ല മഞ്ഞു പെയ്യുന്നുണ്ടായിരുന്നു. ഏതാണ്ട് വിജനമായ നിരത്തുകൾ. ഏകാന്തമായ ആ നിരത്തിലൂടെ ഒരു വൃദ്ധൻ നടന്നു നീങ്ങുന്നു. അകത്തു പല വീടുകളിലും നെരിപ്പോടുകൾ എരിയുന്നതും . അവക്ക് ചുറ്റും കുടുംബത്തിലെ അംഗങ്ങൾ ഒക്കെയും കൂടിയിരുന്നു തീ കായുന്നത് ആ വൃദ്ധൻ സന്തോഷത്തോടെയും എന്നാൽ തെല്ലൊരു വിഷമത്തോടെയും കണ്ടു കൊണ്ട് ആ മഞ്ഞിലൂടെ നടന്നു നീങ്ങി. സ്വന്തമായി ആ വൃദ്ധന് ഒരു വീടില്ലായിരുന്നു, ബന്ധു ജനങ്ങളും. ആരേലുമൊക്ക സഹായിക്കുന്ന ഭക്ഷണവും കഴിച്ചു എവിടേലും ഒക്കെ കിടന്നുറങ്ങി ജീവിതം നീക്കുന്ന ഒരു മനുഷ്യൻ, ആ നാട്ടുകാരുടെ ഭാഷയിൽ പറഞ്ഞാൽ ഒരു 'homeless man'.മഞ്ഞു കാലമായാൽ ഭക്ഷണം ലഭിക്കാൻ ചിലപ്പോൾ പ്രയാസമാണ്, കിട്ടിയാൽ കഴിക്കും ഇല്ലെങ്കിൽ പട്ടിണി പക്ഷെ  ആരോടും പരിഭവം ഇല്ലാതെ, തന്റെ അവസ്ഥയെ കുറിച്ചോർത്തു പരിതപിക്കാതെ ഉള്ളത് കൊണ്ട് ജീവ...
Read more

നോട്ടവീക്ഷണം

Image
To acquire knowledge, one must study; but to acquire wisdom one must observe..   ~ Marilyn Vos Savant.... നമ്മൾ നമ്മുടെ ജീവിതത്തിൽ കണ്ടുമുട്ടുന്ന വ്യക്തികളും നമ്മെ ഒന്നല്ലെങ്കിൽ മറ്റൊരു തരത്തിൽ സ്വാധീനിക്കാൻ കഴിയുന്നോർ ആകും.. നമ്മുടെ ജീവിതത്തിൽ നാം കണ്ടുമുട്ടുന്ന or പരിചയപ്പെടുന്ന ഓരോ വ്യക്തികളും നമുക്ക് ഒന്നുകിൽ ഒരു അനുഗ്രഹം ആകാം അല്ലെങ്കിൽ ഒരു വലിയ പാഠം നൽകുന്നോർ ആകാം.. ചിലർ നമ്മുടെ ജീവിതത്തിൽ ഒരു അനുഗ്രഹമായി ഏറെ കാലം ഉണ്ടാകാം, മറ്റു ചിലർ ഋതുക്കളെ പോലെ വന്നു പോകാം, എന്നാൽ ബഹുഭൂരിപക്ഷവും ദിന രാത്രങ്ങളെ പോലെ വന്നു പോകുകയുംമാകാം.. ദൈര്‍ഘ്യം എന്ത് തന്നെ ആയാലും ഓരോ വ്യക്തികളും നല്ലതോ ചീത്തയോ ആയ അനുഭവങ്ങളും ഒപ്പം പാഠങ്ങളും നൽകിയാകും പോകുക അങ്ങനെ നോക്കുമ്പോൾ ഒരുതരത്തിൽ നമ്മുടെ ജീവിതത്തിൽ വന്നു പോകുന്ന ഓരോ വ്യക്തികളും നമുക്ക് അനുഗ്രഹമാണ്.. ചിലർ നമുക്ക് ഒരു വ്യക്തി എങ്ങനെ ആകണമെന്നും, ഓരോ കാര്യങ്ങളും എങ്ങനെ ചെയ്യണം എന്നും മനസിലാക്കി തരുമ്പോൾ മറ്റു ചിലർ ഇങ്ങനെ ഒരിക്കലും ആകരുത് എന്നും പഠിപ്പിക്കുന്നു.. ജീവിതത്തിൽ വന്നു പോകുന്ന ഓരോ വ്യക്തികളെയും സസൂക്ഷ്മമം നിരീക്ഷിച്ചാൽ അവർക്...
Read more