Play Pause Stop

ജീവിതത്തിൽ തെറ്റുകൾ പറ്റാത്തവർ വളരെ ചുരുക്കമാണ്. പക്ഷെ പറ്റിയത് അബദ്ദമാണെന്നോ, ചെയ്തത് തെറ്റാണെന്നൊ മനസിലാകാത്തവർ ആണ് കൂടുതലും. ആ നേരത്തിന്റെ ശരികൾ ആണ് പിന്നീടുള്ള ജീവിതത്തിൽ തെറ്റുകൾ ആയി മാറുന്ന ശരികൾ പലതും. അതിനാൽ തന്നെ ഒരു സമയത്തെ ശരികൾ തെറ്റായി മാറുമ്പോഴേക്കും തിരുത്തുവാൻ കഴിയാത്ത ഒരു തലത്തിലേക്ക് അത്‌ മാറിയിട്ടുണ്ടാകും...

ഒരിക്കലെങ്കിലും ജീവിതത്തിൽ ഒരു റീവൈൻഡ് ബട്ടൺ ഉണ്ടായിരുന്നെങ്കിൽ എന്നാഗ്രഹിക്കാത്ത ഒരാളും ഉണ്ടാകില്ല. പിന്നിട്ട വഴികളിലെ അനുഭവ സമ്പത്തും, പാഠങ്ങളും
ഒക്കെ ഉൾക്കൊണ്ട് ഒന്ന് റീവൈൻഡ് അടിച്ചു ഇളം പ്രായത്തിലേക്ക് തിരികെ പോകുക. ചില ചെറിയ ചെറിയ കാര്യങ്ങളിൽ ഒക്കെ തിരുത്തൽ നടത്തുക. അതനുസരിച്ചു മുന്നോട്ട് മാറിയ ജീവിത സാഹചര്യങ്ങളുമായി മുന്നോട്ട് പോകുക.

തെറ്റ് പറ്റിയ തീരുമാനങ്ങൾ, സാഹചര്യങ്ങൾ ഒക്കെ മനസിലാക്കി തിരികെ പോയി അവയൊക്കെ തിരുത്തി ജീവിതത്തെ മറ്റൊരു ദിശയിലേക്ക്, പുതിയ അനുഭവങ്ങളിലേക്ക് നയിക്കുക.....

ആലോചിക്കാൻ നല്ല രസമാണ് സിനിമയിലൊക്കെ കാണാനും പക്ഷെ ജീവിതത്തിൽ അങ്ങനെ ഒന്നുണ്ടാകില്ല... ഒരു റീവൈൻഡ് ബട്ടൺ...

പക്ഷെ തെറ്റ് തിരുത്തുവാൻ ഉള്ള സാഹചര്യങ്ങൾ മുന്നോട്ടുള്ള ജീവിതത്തിൽ എപ്പോഴേലും ഉണ്ടായേക്കാം.. പക്ഷെ അങ്ങനെ ഒരു സാഹചര്യം ഉണ്ടാകണമെങ്കിൽ ചെയ്തത് തെറ്റാണെന്നു മനസിലാക്കുവാൻ ഉള്ള കഴിവ് ആണ് ആദ്യം വേണ്ടത്, പിന്നീട് അത്‌ തിരുത്തുവാൻ ഉള്ള മനസ്സും. കാലം എത്രയോ മുന്നോട്ട് പൊയ്ക്കൊള്ളട്ടെ, എത്ര കാലം കഴിഞ്ഞിട്ട് ആണെങ്കിലും ചെയ്ത ഒരു തെറ്റിനെ ന്യായീകരിക്കാതെ അത്‌ മനസിലാക്കി തിരുത്തി മുന്നോട്ട് പോകാൻ കഴിഞ്ഞാൽ അത്‌ നല്ലതാണ്....

ജീവിതത്തിൽ മിക്കവർക്കും മിക്കപ്പോഴും മുന്നിൽ ഓപ്ഷനുകൾ, ചോയ്സുകൾ ഉണ്ടാകാം.. അതിലൊന്ന് തിരഞ്ഞെടുത്ത് മുന്നോട്ട് പോയെ പറ്റൂ, ചിലപ്പോൾ അത്‌ തെറ്റാകം, ചിലപ്പോൾ ശരിയാകാം.. റീവൈൻഡ് ബട്ടൺ ഇല്ല എന്നത് കൊണ്ട് തന്നെ ഒരു തെറ്റായ ചോയ്സ് എടുത്ത് മോശമായ മാർഗത്തിൽ, സഞ്ചരിച്ച ശേഷം തിരികെ പോയി അടുത്ത വഴി തിരഞ്ഞെടുക്കുവാൻ സാധ്യമല്ല, അതുപോലെ തന്നെ ഫാസ്റ്റ് ഫോർവേഡ് അടിച്ചു മുന്നോട്ട് പോയി തിരഞ്ഞെടുക്കുന്ന മാർഗത്തിന്റെ സാധ്യതയും മനസിലാക്കാൻ കഴിയുന്നതല്ല....

പിന്നെ എന്താണൊരു വഴി???
നിങ്ങളുടെ മനസ്സിനെ വിശ്വസിച്ചു അവബോധത്തെ വിശ്വസിച്ചു മുന്നോട്ട് പോകാം, തെറ്റും ശരിയും എന്താണേലും അതിനെ നേരിടുക ശരിയാണെങ്കിൽ നിങ്ങളുടെ ജീവിതത്തിൽ അത്ഭുദങ്ങൾ സംഭവിക്കാം മറിച്ച് തെറ്റാണെങ്കിൽ നിങ്ങൾ ജീവിതത്തിൽ ഒരു പാഠം പഠിക്കുന്നു, തെറ്റ് തിരുത്തുന്നു വീണ്ടും മുന്നോട്ട് സഞ്ചരിക്കുന്നു.
ഭൂത കാലത്തെ കുറിച്ച് ആലോചിച്ചു സമയം കളയാതെ ഭാവിയെ കുറിച്ചോർത്തു ആകുലപ്പെടാതെ ഈ നിമിഷത്തിൽ ജീവിക്കുക..

ഓർക്കുക ജീവിതത്തിൽ rewind ബട്ടൺ ഇല്ല fastforeward ഓപ്ഷനും ഇല്ല, ഉള്ളത് play, pause, stop ബട്ടനുകൾ മാത്രമാണ്..

ഏതു സമയത്ത് ഏതു ഉപയോഗിക്കണമെന്ന് തീരുമാനിക്കേണ്ടത് നിങ്ങളാണ്...

നിയമപരമായ മുന്നറിയിപ്പ് : ഒരിക്കലും Stop ബട്ടൺ ഉപയോഗിക്കാൻ നിങ്ങൾക്ക് അവകാശമുള്ളതല്ല, Pause ബട്ടൺ അധിക നാളും!!!

Life should go on....... ▶️▶️▶️

~ rsk ~

Comments

Post a Comment

Popular posts from this blog

🚌 ചെയിൻ(ഡ്) സർവീസ് 🚌

അയാൾ ആകെ നിരാശനായിരുന്നു... എല്ലാത്തിനോടും വല്ലാത്ത വിരക്തി.. ജീവിതം തന്നെ മടുത്തു തുടങ്ങിയിരിക്കുന്നു.. ഒരു പെരുമഴ പെയ്ത് തോർന്നിരിക്കുന്നു, അയാൾ ആ തിരക്കേറിയ ബസ് സ്റ്റാൻഡിലെ കമ്പി കസേരയിൽ നനഞൊട്ടിയ വസ്ത്രങ്ങളുമായി  ഇരുന്നു.. അയാൾ നിശ്ചലനയിരുന്ന് എന്തോ ചിന്തയിലായിരുന്നു, എങ്കിലും അയാൾക്ക് ചുറ്റും സമയം അതിവേഗം സഞ്ചരിച്ചു,  അനേകം ജീവനുകളും, ജീവിതങ്ങളും കടന്നു പോയി.. ചിലർ അയാളുടെ ഇരുപ്പിനെ പുച്ഛിച്ചു കടന്നു പോയി, മറ്റു ചിലർ സഹതാപ ഭാവത്തിലും... വേറെ ചിലർ ഒരു പടി കൂടി കടന്നു, എന്താ ഇവിടിരിക്കുന്നെ, എങ്ങോട്ടാ പോകേണ്ടത്, വീട്ടിൽ പോകണ്ടേ, എന്താ ഇവിടെ ചെയ്യുന്നേ, ഇങ്ങനെ ഇരുന്ന മതിയോ അങ്ങനെ അങ്ങനെ കുറെ ചോദ്യങ്ങളുമായി വന്നു പോയി. ചോദ്യങ്ങൾ കേട്ടെങ്കിലും ഒന്നും കേൾക്കാത്തതായി ഭാവിച്ചിരുന്ന അയാൾ കേൾക്കെ ചോദ്യം ചോദിച്ചവർ പരസ്പരം വെള്ളം ആണെന് തോനുന്നു എന്നൊക്കെ പറയുന്നുണ്ടായിരുന്നു കൂട്ടത്തിൽ ഒരു കിളവൻ എവിടുന്നോ കഞ്ചാവ് വലിച്ചു കയറ്റിയിട്ടിരിക്കുവാ എന്ന കമന്റുകളും ഒക്കെ പാസാക്കി നീങ്ങി... ഇതൊന്നും ശ്രദ്ധിക്കാതെ ഇരുന്ന അയാൾ മനസിലോർത്തു, എങ്ങോട്ടേലും പോകണം, എല്ലാം മടുത്തു, ജീവിതമേ മടുത്തു എവി...
Read more

ആന കൊടുത്താലും ആശ കൊടുക്കരുത്...

Image
ഒരു കഥ ശൊല്ലട്ടുമാഈ കഥ നടക്കുന്നത് അങ്ങ് ദൂരെ ഒരു നാട്ടിലാണ്. തണുപ്പാണേൽ നല്ല മരം കൊച്ചുന്ന തണുപ്പും ചൂടാണേൽ ചുട്ടുപൊള്ളിക്കുന്ന ചൂടുമൊക്കെ ഉള്ള ഒരു വിദേശ രാജ്യത്ത് നടന്ന ഒരു കഥ.നല്ല മഞ്ഞു പെയ്യുന്ന ഡിസംബർ കാലം. സമയം ഏകദേശം രാത്രി 9 മണിയോടടുക്കുന്നു. ആ സമയം പതിവ് പോലെ പുറത്ത് നല്ല മഞ്ഞു പെയ്യുന്നുണ്ടായിരുന്നു. ഏതാണ്ട് വിജനമായ നിരത്തുകൾ. ഏകാന്തമായ ആ നിരത്തിലൂടെ ഒരു വൃദ്ധൻ നടന്നു നീങ്ങുന്നു. അകത്തു പല വീടുകളിലും നെരിപ്പോടുകൾ എരിയുന്നതും . അവക്ക് ചുറ്റും കുടുംബത്തിലെ അംഗങ്ങൾ ഒക്കെയും കൂടിയിരുന്നു തീ കായുന്നത് ആ വൃദ്ധൻ സന്തോഷത്തോടെയും എന്നാൽ തെല്ലൊരു വിഷമത്തോടെയും കണ്ടു കൊണ്ട് ആ മഞ്ഞിലൂടെ നടന്നു നീങ്ങി. സ്വന്തമായി ആ വൃദ്ധന് ഒരു വീടില്ലായിരുന്നു, ബന്ധു ജനങ്ങളും. ആരേലുമൊക്ക സഹായിക്കുന്ന ഭക്ഷണവും കഴിച്ചു എവിടേലും ഒക്കെ കിടന്നുറങ്ങി ജീവിതം നീക്കുന്ന ഒരു മനുഷ്യൻ, ആ നാട്ടുകാരുടെ ഭാഷയിൽ പറഞ്ഞാൽ ഒരു 'homeless man'.മഞ്ഞു കാലമായാൽ ഭക്ഷണം ലഭിക്കാൻ ചിലപ്പോൾ പ്രയാസമാണ്, കിട്ടിയാൽ കഴിക്കും ഇല്ലെങ്കിൽ പട്ടിണി പക്ഷെ  ആരോടും പരിഭവം ഇല്ലാതെ, തന്റെ അവസ്ഥയെ കുറിച്ചോർത്തു പരിതപിക്കാതെ ഉള്ളത് കൊണ്ട് ജീവ...
Read more

നോട്ടവീക്ഷണം

Image
To acquire knowledge, one must study; but to acquire wisdom one must observe..   ~ Marilyn Vos Savant.... നമ്മൾ നമ്മുടെ ജീവിതത്തിൽ കണ്ടുമുട്ടുന്ന വ്യക്തികളും നമ്മെ ഒന്നല്ലെങ്കിൽ മറ്റൊരു തരത്തിൽ സ്വാധീനിക്കാൻ കഴിയുന്നോർ ആകും.. നമ്മുടെ ജീവിതത്തിൽ നാം കണ്ടുമുട്ടുന്ന or പരിചയപ്പെടുന്ന ഓരോ വ്യക്തികളും നമുക്ക് ഒന്നുകിൽ ഒരു അനുഗ്രഹം ആകാം അല്ലെങ്കിൽ ഒരു വലിയ പാഠം നൽകുന്നോർ ആകാം.. ചിലർ നമ്മുടെ ജീവിതത്തിൽ ഒരു അനുഗ്രഹമായി ഏറെ കാലം ഉണ്ടാകാം, മറ്റു ചിലർ ഋതുക്കളെ പോലെ വന്നു പോകാം, എന്നാൽ ബഹുഭൂരിപക്ഷവും ദിന രാത്രങ്ങളെ പോലെ വന്നു പോകുകയുംമാകാം.. ദൈര്‍ഘ്യം എന്ത് തന്നെ ആയാലും ഓരോ വ്യക്തികളും നല്ലതോ ചീത്തയോ ആയ അനുഭവങ്ങളും ഒപ്പം പാഠങ്ങളും നൽകിയാകും പോകുക അങ്ങനെ നോക്കുമ്പോൾ ഒരുതരത്തിൽ നമ്മുടെ ജീവിതത്തിൽ വന്നു പോകുന്ന ഓരോ വ്യക്തികളും നമുക്ക് അനുഗ്രഹമാണ്.. ചിലർ നമുക്ക് ഒരു വ്യക്തി എങ്ങനെ ആകണമെന്നും, ഓരോ കാര്യങ്ങളും എങ്ങനെ ചെയ്യണം എന്നും മനസിലാക്കി തരുമ്പോൾ മറ്റു ചിലർ ഇങ്ങനെ ഒരിക്കലും ആകരുത് എന്നും പഠിപ്പിക്കുന്നു.. ജീവിതത്തിൽ വന്നു പോകുന്ന ഓരോ വ്യക്തികളെയും സസൂക്ഷ്മമം നിരീക്ഷിച്ചാൽ അവർക്...
Read more