ഞാൻ കണ്ട കാഴ്ചകൾ - കറുപ്പ് ഭാഗം - 1 : ഇരുട്ട് വാക്കിനു ഒരു ഓഫീസ് സന്ദർശനം !!!

ഞാൻ കണ്ട കാഴ്ചകൾ - കറുപ്പ് 

ഭാഗം - 1 : ഇരുട്ട് വാക്കിനു ഒരു ഓഫീസ് സന്ദർശനം !!!

അകാരണമായി മൊബൈൽ സേവന ദാതാവ് സേവനം നിർത്തി, അകത്തോട്ടു പുറത്തോട്ടും കാളും പോകുന്നില്ല നെറ്റും കിട്ടുന്നില്ല!!! 
ഫോൺ ഉപയോഗിക്കാൻ കഴിയാത്ത ഒരവസ്ഥ, സഹിക്കാൻ പറ്റുമോ...

ഒന്നും നോക്കീല ഓഫീസിന്നു വന്നു വൈഫൈ വഴി എന്റെ വൈഫിനെയും പിന്നെ അച്ഛന്റെ വൈഫിനെയും പതിവ് പോലെ വിളിച്ചു രണ്ടും രണ്ടും 4 കഷ്ണം ബ്രെഡും അകത്താക്കി ഒരു കുളിയും പാസ്സാക്കി നേരെ വിട്ടു അടുത്തുള്ള സേവന ദാതാവിന്റെ ഓഫീസിലേക്ക്. രാത്രി 10 മണിക്ക് അടക്കുന്ന ഓഫിസിൽ 10 കഴിഞ്ഞപ്പോഴേക്കും ആണ് എത്തിപ്പെട്ടത്. അപ്പോഴേക്കും വിളക്കുകൾ ഒക്കെ അണച്ചു തുടങ്ങി, ലൈറ്റ് വെട്ടം കണ്ട് പ്രാണികൾ വരുമ്പോലെ ഡ്യൂട്ടി സമയം തീരുമ്പോഴേക്കും എന്നെ പോലെ പുതിയ മാരണങ്ങൾ ഒന്നും വന്നു കേറണ്ടിരിക്കാൻ വേണ്ടി ആകണം വെളിച്ചം ഏറെക്കുറെ ഓഫാക്കി ആ ഓഫീസ് പ്രവർത്തിച്ചു കൊണ്ടിരുന്നത്. വരാൻ ഉള്ളത് വഴിയിൽ തങ്ങൂലല്ലോ, ടോർച്ചുമടിച്ചാണെലും വരും എന്ന പഴ മൊഴി പോലെ ഞാൻ ഓഫീസിന്റെ ഫ്രണ്ടിൽ എത്തി ഓട്ടോമാറ്റിക് ഡോർ തുറക്കുന്നതും കാത്തു നിന്നു. ഡോർ തുറക്കുന്നില്ല. ഞാൻ മൊബൈൽ ഫ്ലാഷ് ഓണാക്കി സെക്യൂരിറ്റിയുടെ ശ്രദ്ധ എന്നിലേക്ക് തിരിച്ചു. വെളിച്ചം കണ്ട ഭാഗത്തേക്ക്‌ അദ്ദേഹം നടന്നു വന്നു, അപ്പോഴാണ് മനസിലായത്, ഞാൻ നിക്കുന്ന ഭാഗത്തു അല്ല ഡോർ എന്നും, ഇരുട്ട് ആയതിനാൽ ഡോർ മനസിലാകാതെ ഞാൻ അൽപ്പം കൂടി ഇടത്തേക്ക് മാറിട്ടാണ് നിന്നത് എന്നും.ടോർച്ചും കത്തിച്ച് ഉള്ളിൽ കയറിയ ഞാൻ സ്കൂളിലെ ഹിന്ദി അദ്ധ്യാപകരെ മനസ്സിൽ ധ്യാനിച്ചു ഒരു കീച്ചു കീച്ചി, "ഭായ് മേരാ സിം കാം നഹി കരൂങ്ക, ഏക് മാഹീന പേഹലെ ഐഡി അപ്ഡേറ്റ് കിയ ബട്ട്‌ കൽ സേ പ്രോബ്ലം ഹേ. കാൾ നഹി, നെറ്റ് നഹി. ഫോൺ നഹി ഹേ തൊ മേരാ ലൈഫ് ബഹുത് മുഷ്കിൽ ഹേ, കുച്ച് മദത് കരോ".
എന്റെ ഹിന്ദി കേട്ടു സകല നാടി ഞരമ്പുകളും സ്തംഭിച്ചു നിന്ന സെക്യൂരിറ്റി ചേട്ടൻ ചോദിച്ചു "മലയാളി ആണല്ലേ"? അതെ ഞാൻ മലയാളി ആണ് ചേട്ടനോ? എന്നന്റെ ചോദ്യം കേട്ടിട്ട് എന്നെ തല്ലിയില്ല എന്നെ ഉള്ളു പഹയൻ, എന്താ ആക്ച്വലി പ്രശ്നം , ഞാൻ ഒറ്റ ശ്വാസത്തിൽ കാര്യം പറഞ്ഞറിയിച്ചു, എല്ലാം കേട്ടിട്ട് ആള് എന്നേം കൊണ്ട് അവിടെ കണ്ട ഒരു മെഷീനിൽ ഐഡി ഒക്കെ വെച്ചു പിന്നെ വിരലടയാളം ഒക്കെ പതിപ്പിച്ചു, പക്ഷെ എറർ മെസ്സേജ് ആണ് വരുന്നത്, 2 തവണ കൂടി ആവർത്തിച്ചിട്ടും ഫലം മറിച്ചല്ല. കാർഡ് തിരികെ തന്നിട്ട് ഇന്ന് കാര്യം നടക്കില്ല നാളെ വെട്ടവും വെളിച്ചവും ഉള്ളപ്പോൾ വരാനായി പറഞ്ഞു. നാളെ കാണാം എന്ന് പറഞ്ഞു അവിടെ നിന്നിറങ്ങാൻ നേരം, നാളെ പുള്ളി ഉണ്ടാവില്ല എന്നും നോർത്ത് ഇന്ത്യൻ ആയ ഒരു സെക്യൂരിറ്റി ആകും ഉണ്ടാകുക എന്ന് പറയാൻ മറന്നില്ല...
നാളെ ഡ്യൂട്ടിയിൽ ഉള്ള സെക്യൂരിറ്റിക്ക് ഇതൊക്കെ എങ്ങനെ പറഞ്ഞു കൊടുക്കും ഒന്നാലോചിച്ചു കൊണ്ട് ഞാൻ അവിടെ നിന്ന് ഇറങ്ങി നേരെ നടന്നു.........

End of part 1

കാഴ്ചകൾ അവസാനിക്കുന്നില്ല, കഥകളും അരണ്ട വെളിച്ചമുള്ള ആ ഓഫീസിൽ നിന്നും പ്രകാശ പൂരിതമായ മറ്റൊരിടത്തേക്കു ഞാനും ഒപ്പം എന്റെ മനസ്സും സഞ്ചരിക്കുകയാണ്, കൂടെ കൂടാൻ താൽപ്പര്യം ഉള്ളവർക്ക് ഒപ്പം കൂടാം, അടുത്ത ഭാഗത്തിനായി......

~rsk~

Comments

Post a Comment

Popular posts from this blog

🚌 ചെയിൻ(ഡ്) സർവീസ് 🚌

അയാൾ ആകെ നിരാശനായിരുന്നു... എല്ലാത്തിനോടും വല്ലാത്ത വിരക്തി.. ജീവിതം തന്നെ മടുത്തു തുടങ്ങിയിരിക്കുന്നു.. ഒരു പെരുമഴ പെയ്ത് തോർന്നിരിക്കുന്നു, അയാൾ ആ തിരക്കേറിയ ബസ് സ്റ്റാൻഡിലെ കമ്പി കസേരയിൽ നനഞൊട്ടിയ വസ്ത്രങ്ങളുമായി  ഇരുന്നു.. അയാൾ നിശ്ചലനയിരുന്ന് എന്തോ ചിന്തയിലായിരുന്നു, എങ്കിലും അയാൾക്ക് ചുറ്റും സമയം അതിവേഗം സഞ്ചരിച്ചു,  അനേകം ജീവനുകളും, ജീവിതങ്ങളും കടന്നു പോയി.. ചിലർ അയാളുടെ ഇരുപ്പിനെ പുച്ഛിച്ചു കടന്നു പോയി, മറ്റു ചിലർ സഹതാപ ഭാവത്തിലും... വേറെ ചിലർ ഒരു പടി കൂടി കടന്നു, എന്താ ഇവിടിരിക്കുന്നെ, എങ്ങോട്ടാ പോകേണ്ടത്, വീട്ടിൽ പോകണ്ടേ, എന്താ ഇവിടെ ചെയ്യുന്നേ, ഇങ്ങനെ ഇരുന്ന മതിയോ അങ്ങനെ അങ്ങനെ കുറെ ചോദ്യങ്ങളുമായി വന്നു പോയി. ചോദ്യങ്ങൾ കേട്ടെങ്കിലും ഒന്നും കേൾക്കാത്തതായി ഭാവിച്ചിരുന്ന അയാൾ കേൾക്കെ ചോദ്യം ചോദിച്ചവർ പരസ്പരം വെള്ളം ആണെന് തോനുന്നു എന്നൊക്കെ പറയുന്നുണ്ടായിരുന്നു കൂട്ടത്തിൽ ഒരു കിളവൻ എവിടുന്നോ കഞ്ചാവ് വലിച്ചു കയറ്റിയിട്ടിരിക്കുവാ എന്ന കമന്റുകളും ഒക്കെ പാസാക്കി നീങ്ങി... ഇതൊന്നും ശ്രദ്ധിക്കാതെ ഇരുന്ന അയാൾ മനസിലോർത്തു, എങ്ങോട്ടേലും പോകണം, എല്ലാം മടുത്തു, ജീവിതമേ മടുത്തു എവി...
Read more

ആന കൊടുത്താലും ആശ കൊടുക്കരുത്...

Image
ഒരു കഥ ശൊല്ലട്ടുമാഈ കഥ നടക്കുന്നത് അങ്ങ് ദൂരെ ഒരു നാട്ടിലാണ്. തണുപ്പാണേൽ നല്ല മരം കൊച്ചുന്ന തണുപ്പും ചൂടാണേൽ ചുട്ടുപൊള്ളിക്കുന്ന ചൂടുമൊക്കെ ഉള്ള ഒരു വിദേശ രാജ്യത്ത് നടന്ന ഒരു കഥ.നല്ല മഞ്ഞു പെയ്യുന്ന ഡിസംബർ കാലം. സമയം ഏകദേശം രാത്രി 9 മണിയോടടുക്കുന്നു. ആ സമയം പതിവ് പോലെ പുറത്ത് നല്ല മഞ്ഞു പെയ്യുന്നുണ്ടായിരുന്നു. ഏതാണ്ട് വിജനമായ നിരത്തുകൾ. ഏകാന്തമായ ആ നിരത്തിലൂടെ ഒരു വൃദ്ധൻ നടന്നു നീങ്ങുന്നു. അകത്തു പല വീടുകളിലും നെരിപ്പോടുകൾ എരിയുന്നതും . അവക്ക് ചുറ്റും കുടുംബത്തിലെ അംഗങ്ങൾ ഒക്കെയും കൂടിയിരുന്നു തീ കായുന്നത് ആ വൃദ്ധൻ സന്തോഷത്തോടെയും എന്നാൽ തെല്ലൊരു വിഷമത്തോടെയും കണ്ടു കൊണ്ട് ആ മഞ്ഞിലൂടെ നടന്നു നീങ്ങി. സ്വന്തമായി ആ വൃദ്ധന് ഒരു വീടില്ലായിരുന്നു, ബന്ധു ജനങ്ങളും. ആരേലുമൊക്ക സഹായിക്കുന്ന ഭക്ഷണവും കഴിച്ചു എവിടേലും ഒക്കെ കിടന്നുറങ്ങി ജീവിതം നീക്കുന്ന ഒരു മനുഷ്യൻ, ആ നാട്ടുകാരുടെ ഭാഷയിൽ പറഞ്ഞാൽ ഒരു 'homeless man'.മഞ്ഞു കാലമായാൽ ഭക്ഷണം ലഭിക്കാൻ ചിലപ്പോൾ പ്രയാസമാണ്, കിട്ടിയാൽ കഴിക്കും ഇല്ലെങ്കിൽ പട്ടിണി പക്ഷെ  ആരോടും പരിഭവം ഇല്ലാതെ, തന്റെ അവസ്ഥയെ കുറിച്ചോർത്തു പരിതപിക്കാതെ ഉള്ളത് കൊണ്ട് ജീവ...
Read more

നോട്ടവീക്ഷണം

Image
To acquire knowledge, one must study; but to acquire wisdom one must observe..   ~ Marilyn Vos Savant.... നമ്മൾ നമ്മുടെ ജീവിതത്തിൽ കണ്ടുമുട്ടുന്ന വ്യക്തികളും നമ്മെ ഒന്നല്ലെങ്കിൽ മറ്റൊരു തരത്തിൽ സ്വാധീനിക്കാൻ കഴിയുന്നോർ ആകും.. നമ്മുടെ ജീവിതത്തിൽ നാം കണ്ടുമുട്ടുന്ന or പരിചയപ്പെടുന്ന ഓരോ വ്യക്തികളും നമുക്ക് ഒന്നുകിൽ ഒരു അനുഗ്രഹം ആകാം അല്ലെങ്കിൽ ഒരു വലിയ പാഠം നൽകുന്നോർ ആകാം.. ചിലർ നമ്മുടെ ജീവിതത്തിൽ ഒരു അനുഗ്രഹമായി ഏറെ കാലം ഉണ്ടാകാം, മറ്റു ചിലർ ഋതുക്കളെ പോലെ വന്നു പോകാം, എന്നാൽ ബഹുഭൂരിപക്ഷവും ദിന രാത്രങ്ങളെ പോലെ വന്നു പോകുകയുംമാകാം.. ദൈര്‍ഘ്യം എന്ത് തന്നെ ആയാലും ഓരോ വ്യക്തികളും നല്ലതോ ചീത്തയോ ആയ അനുഭവങ്ങളും ഒപ്പം പാഠങ്ങളും നൽകിയാകും പോകുക അങ്ങനെ നോക്കുമ്പോൾ ഒരുതരത്തിൽ നമ്മുടെ ജീവിതത്തിൽ വന്നു പോകുന്ന ഓരോ വ്യക്തികളും നമുക്ക് അനുഗ്രഹമാണ്.. ചിലർ നമുക്ക് ഒരു വ്യക്തി എങ്ങനെ ആകണമെന്നും, ഓരോ കാര്യങ്ങളും എങ്ങനെ ചെയ്യണം എന്നും മനസിലാക്കി തരുമ്പോൾ മറ്റു ചിലർ ഇങ്ങനെ ഒരിക്കലും ആകരുത് എന്നും പഠിപ്പിക്കുന്നു.. ജീവിതത്തിൽ വന്നു പോകുന്ന ഓരോ വ്യക്തികളെയും സസൂക്ഷ്മമം നിരീക്ഷിച്ചാൽ അവർക്...
Read more